جامبىل وبلىسىنڭ اكىمى بەردىبەك ساپاربايەۆ 2015-2020 جىلدار ارالىعىندا تۋعان 5 بالانىڭ قازاسىنا سوقتىرعان جامبىل وبلىسى سارىسۋ اۋدانى جاڭاتاس قالاسىنداعى قايعىلى جاعدايعا بايلانىستى مالىمدەمە جاسادى.
"بۇگىن بۇكىل ەلدى ەسەڭگىرەتكەن قاي̆عىلى وقيعا بولدى. جاڭاتاستاعى ءۇي̆لەردىڭ بىرىنەن ءورت شىعىپ، بەس بىردەي̆ بەي̆كۇنا بالا اجال قۇشتى.
⠀
وقيعانىڭ ءمان-جاي̆ىن انىقتاۋ ءۇشىن وبلىس اكىمىنىڭ ورىنباسارى ۇلان جازىلبەكتىڭ توراعالىعىمەن ارناي̆ى كوميسسيا قۇرىلدى. وقيعا ورنىنا وبلىس پروكۋرورى ن. ءابدىروۆ، پوليسيا دەپارتامەنتىنىڭ باسشىسى ج. سۇلەي̆مەنوۆ، تجد باسشىسى ە. مومبايەۆ اتتاندى.
⠀
قارا جامىلعان وتباسىعا قاجەتتى پسيحولوگيالىق، ماتەريالدىق كومەك كورسەتىلۋدە. ماسەلە مەنىڭ جەكە باقىلاۋىمدا. كوز جۇمعان بالالاردىڭ جاقىندارىنا اللا تاعالا سابىر بەرسىن. قاي̆عىلارىنا ورتاقتاسىپ كوڭىل اي̆تامىن" دەدى اكىم facebook پاراقشاسىندا.
بۇگىن جاڭاتاس قالاسى 2 ىقشاماۋدانداعى 5 قاباتتى تۇرعىن ءۇيدىڭ 3ء-شى قاباتىندا ءورت بولعان. پاتەر ىشىندە اتا-انانىڭ قاراۋىنسىز كامەلەت جاسىنا تولماعان 2015، 2016، 2017، 2019 جانە 2020 جىلدارى تۋعان بەس بالا قالىپ قويعان. ءورت بولعان ۋاقىتتا ءۇيدىڭ وتاعاسى جۇمىستا بولعان، ال اناسى دۇكەنگە شىعىپ كەتكەنى حابارلاندى. تۇتىنگە ۋلانعان بالالار جەدەل تۇردە اۋرۋحاناعا جەتكىزىلگەنىمەن، اراعا ءبىراز ۋاقىت سالىپ كوز جۇمعان.
