نۇر-سۇلتان قالالىق تەرگەۋ سوتى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ءۇيقاماق مەرزىمىن ناۋرىز ايىنىڭ سوڭىنا دەيىن ۇزارتتى. بۇل تۋرالى ءبىرتانوۆتىڭ ادۆوكاتى دميتريي كۋرياچەنكو حابارالادى.
– تەرگەۋ ءۇيقاماق مەرزىمىن 2021 جىلدىڭ 12 اقپانىندا ۇزارتۋدى سۇرادى، سوت ناۋرىزدىڭ سوڭىنا دەيىن ۇزارتتى، – دەدى ادۆوكات.
ەلجان ءبىرتانوۆ 2020 جىلدىڭ 25 ماۋسىمىندا دەنساۋلىق ساقتاۋ ءمينيسترى قىزمەتىنەن بوساتىلعان. ەكس-مينيستر 3 قاراشادا اسا ءىرى كولەمدە بيۋدجەت قاراجاتىن جىمقىردى دەگەن ايىپپەن ۇستالعان.
2020 جىلدىڭ قاراشاسىندا ادۆوكاتى دميتريي كۋراچەنكو ءبىرتانوۆتىڭ ءۇيقاماقتا ەكەنىن مالىمدەدى.
2021 جىلدىڭ قاڭتارىندا نۇر-سۇلتان قالالىق تەرگەۋ سوتى ەكس-مينيستردى ءۇيقاماقتا بولۋىن اقپاننىڭ سوڭىنا دەيىن ۇزارتقان بولاتىن.
پىكىر قالدىرۋ