تۇركىستان وبلىسىنىڭ سارىاعاش قالاسىندا پوليسەيلەر قىز ۇزاتۋ تويىنىڭ ۇستىنەن ءتۇستى، – دەپ حابارلادى Polisia.kz.
سايت مالىمەتىنشە، سارىاعاش اۋداندىق پوليسيا ءبولىمىنىڭ قىزمەتكەرلەرى كارانتين رەجيمىن جانە شەكتەۋ شارالارىن ساقتاۋ ماقساتىندا تۇراقتى تۇردە ءىس-شارالار ۇيىمداستىرىپ تۇرادى.
"سونداي كەزەكتى پروفيلاكتيكالىق جۇمىستار جۇرگىزۋ بارىسىندا، سارىاعاش قالاسىندا ورنالاسقان تويحانالاردىڭ بىرىندە تويدىڭ بولىپ جاتقانى بەلىگلى بولعان. مەرەكەلى جيىندا شامامەن 100-گە جۋىق قوناق جينالعان. تويدىڭ ۇستىنەن تۇسكەن ءتارتىپ ساقشىلارى كەلۋشىلەرگە كارانتين رەجيمىن ءتۇسىندىرىپ، قوناقتاردى ۇي-ۇيلەرىنە تارقاتتى. تويدىڭ جانە تويحانانىڭ يەسىنە حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردi بۇزۋ بابى بويىنشا تۇركىستان وبلىسى باس سانيتارلىق دارىگەرىنىڭ قاۋلىسىندا كورسەتىلگەن كارانتين رەجيمىن جانە شەكتەۋ شارالارىن ساقتاماعانى ءۇشىن جيناقتالعان قۇجاتتار سارىاعاش اۋداندىق سانيتارلىق ەپيدەميولوگيا باقىلاۋ باسقارماسى جولداندى" دەلىنگەن اقپاراتتىق حابارلامادا.
پىكىر قالدىرۋ