ىشكى ىستەر مينيسترلىگىنە ايەلدەر مەن بالالاردى زورلىق-زومبىلىقتان قورعاۋ جونىندەگى ارنايى بولىمشەلەر شتاتىن قالپىنا كەلتىرۋدى تاپسىرامىن. بۇل تۋرالى ۇلتتىق قوعامدىق سەنىم كەڭەسىنىڭ 5-وتىرىسىندا پرەزيدەنت ق.توقايەۆ مالىمدەدى.
مەملەكەت باسشىسى ايەلدەرگە قارسى زورلىق-زومبىلىق ولاردى قوعامعا تولىققاندى ارالسۋدان ايىراتىنىن، وتباسى ينستيتۋتىنا تەرىس اسەر ەتەتىنىن ايتتى.
– بۇل وزەكتى ماسەلەنى مەملەكەتتىك ورگاندار مەن ۇكىمەتتىك ەمەس ۇيىمداردىڭ ورتاق كۇش-جىگەرىمەن عانا شەشۋگە بولادى. مۇندا ءىىم-نىڭ 1999 جىلى قۇرىلعان ايەلدەر مەن بالالاردى زورلىق-زومبىلىقتان قورعاۋ جونىندەگى ارنايى بولىمشەلەرىنە باستى ءرول ءبىرىلىپ وتىر. ولار پوليسيانىڭ ازاماتتىق قوعاممەن ءوزارا ءىس-قيمىلىنىڭ ءتيىمدى بۋىنى بولۋى كەرەك. الايدا ءبىر كەزدەرى ولاردىڭ شتات سانىنىڭ جارتىسىنا جۋىعى قىسقارتىلدى. سوندىقتان ىشكى ىستەر مينيسترلىگىنە ايەلدەر مەن بالالاردى زورلىق-زومبىلىقتان قورعاۋ جونىندەگى ارنايى بولىمشەلەر شتاتىن قالپىنا كەلتىرۋدى تاپسىرامىن، – دەدى پرەزيدەنت.
توقايەۆ سونداي-اق ايەلدەر مەن بالالارعا قارسى زورلىق-زومبىلىق قىلمىستارى بويىنشا ايەل تەرگەۋشىلەردى مامانداندىرۋدى ۇسىنعان كەڭەس مۇشەسى ايگۇل ورىنبەكتىڭ باستاماسىن اتاپ ءوتتى.
ونىڭ ايتۋىنشا، بۇل جابىرلەنۋشىلەرگە ءبىرجاقتى جانە ادەپسىز كوزقاراس فاكتىلەرىن بولدىرماۋعا مۇمكىندىك بەرەدى.
پىكىر قالدىرۋ