الماتى قالاسىنىڭ اكىمى باقىتجان ساعىنتايەۆ الماتىلىق اجار ابدىرەشيەۆانىڭ كۇيەۋىنىڭ ولىمىنە قاتىستى ءىستى جەكە باقىلاۋىنا الدى. بۇل تۋرالى اكىم facebook پاراقشاسىندا جازدى.
الماتىلىق اجار ابدىرەشيەۆا قالا اكىمى باقىتجان ساعىنتايەۆقا Instagram-دا ۆيدەوۇندەۋ جاساعان. ونىڭ ايتۋىنشا، كۇيەۋىنىڭ ولىمىنە اكىمدىكتىڭ بۇرىنعى قىزمەتكەرى، باس بۋحگالتەردىڭ جۇرگىزۋشىسى كىنالى بولۋى مۇمكىن.
– قۇرمەتتى باقىتجان ساعىنتايەۆ! بۇگىن مەنىڭ كۇيەۋىم كەنجە باينيازوۆتى ءولتىرىپ كەتكەنىنە 7 كۇن ءوتتى. قالا اكىمدىگى ءوز قىزمەتكەرىنىڭ كىسى ولتىرۋگە قاتىسى بار-جوعىنا بايلانىستى ەشقانداي تۇسىنىكتەمە بەرمەدى. كەرىسىنشە، كىسى ءولتىرۋشى سۇلتان ۇمەتالييەۆتىڭ كەرى داتامەن، ياعني 2021 جىلدىڭ 18 اقپانىندا جۇمىستان شىعارىلعانى تۋرالى ەستىپ-بىلىپ جاتىرمىن. قالا اكىمدىگى، ناقتىراق ايتقاندا، اكىمدىكتىڭ باس بۋحگالتەرى كىسى ولتىرگەن جەكە جۇرگىزۋشىسىنىڭ قىلمىسقا قاتىستىلىعىن جاسىرۋ ءۇشىن قولدان كەلگەننىڭ ءبارىن جاساپ جاتىر، – دەدى ول.
جابىرلەنۋشىنىڭ سوزىنشە، قازىرگى ۋاقىتتا كۇدىكتىنىڭ قارۋى تابىلماعان. الماتى اكىمدىگىنە تيەسىلى اۆتوكولىك قىلمىس بولعان جەردە تۇرعان. كىسى ءولتىرۋشى قىلمىس ورنىنا قىزمەتتىك اۆتوكولىكپەن بارعان.
– بۇل – 22 اقپانداعى جاعداي بويىنشا ەر ادام سول كۇندە دە اكىمدىك قىزمەتكەرى بولعانىنىڭ دالەلى، – دەدى ول.
مارقۇمنىڭ جۇبايى سۇلتان ۇمەتالييەۆكە پسيحيكالىق جاعدايىنا بايلانىستى انىقتاما ىستەتىپ جاتقانى تۋرالى اقپارات ەستىگەنىن ايتتى.
– الماتىلىق اجار ابدىرەشيەۆانىڭ وتىنىشىمەن ونىڭ جۇبايىن ءولتىرۋ دەرەگى بويىنشا ءىستى جەكە باقىلاۋىما الدىم. كۇدىكتى قاماۋعا الىندى. قالالىق پوليسيا دەپارتامەنتىنىڭ باسشىسى ق.تايمەردەنوۆكە تەرگەۋدىڭ جان-جاقتىلىعى مەن وبەكتيۆتىلىگىن قامتاماسىز ەتۋدى تاپسىردىم. مارقۇمنىڭ وتباسى مەن جاقىندارىنا كوڭىل ايتامىن، – دەپ جازدى اكىم.
پوسموترەت ەتۋ پۋبليكاسيۋ ۆ Instagram
پىكىر قالدىرۋ