ادام ءولتىردى دەپ كۇدىككە ىلىنگەن جۇرگىزۋشى الماتى اكىمدىگىندە جۇمىس ىستەمەگەن. بۇل تۋرالى قالا اكىمدىگى تاراتقان رەسمي مالىمدەمە ايتىلدى.
اقپاراتتا جۇرگىزۋشىنىڭ قىزمەتى اكىمدىك قىزمەتكەرى ساناتىنا جاتپايتىنى ايتىلعان.
– اجار ابدىرەشيەۆانىڭ جۇبايىن ولتىرگەنى تۋرالى ارىز-شاعىمى بويىنشا كۇدىكتى ادام "الماتى قالاسىنىڭ شارۋاشىلىق باسقارماسى" جشس-دا جۇرگىزۋشى بولىپ جۇمىس ىستەيتىنىن حابارلايمىز. قازىرگى ۋاقىتتا ول شتاتتا تىركەلگەن. جۇرگىزىلىپ جاتقان تەرگەۋ ارەكەتتەرىنە بايلانىستى جۇمىستا جوق. ول اكىمدىك قىزمەتكەرى ساناتىنا دا، مەملەكەتتىك قىزمەتشى ساناتىنا دا جاتپايدى. ەر ادام اكىمدىككە قىزمەت كورسەتەتىن "الماتى قالاسى شارۋاشىلىق باسقارماسى" جشس-دا جۇمىس ىستەيدى، – دەدى ج ش س ديرەكتورى ق. بايامانوۆ.
بۇگىن الماتىلىق اجار ابدىرەشيەۆا قالا اكىمى باقىتجان ساعىنتايەۆقا Instagram-دا ۆيدەوۇندەۋ جاساعان. ونىڭ ايتۋىنشا، كۇيەۋىنىڭ ولىمىنە اكىمدىكتىڭ بۇرىنعى قىزمەتكەرى – باس بۋحگالتەردىڭ جۇرگىزۋشىسى كىنالى بولۋى مۇمكىن. كەيىن قالا اكىمى باقىتجان ساعىنتايەۆ ابدىرەشيەۆا كۇيەۋىنىڭ ولىمىنە قاتىستى ءىستى جەكە باقىلاۋىنا العانىن حابارلاعان.
پىكىر قالدىرۋ