شىمكەنت قالاسى اۆتوبولشەكتەر بازارىنىڭ اۋماعىندا قويما ورتكە وراندى. بۇل تۋرالى otyrar.kz سايتى حابارلادى.
توتەنشە جاعدايلار دەپارتامەنتىنىڭ حابارلاۋىنشا، 1 ناۋرىز ساعات 22:52-دە اباي اۋدانى تەمىرلان تاس جولى بويىندا ورنالاسقان "تۇلپار-شىمكەنت" ج ش س اۋماعىندا ءورت شىققان.
اۆتوبولشەكتەر بازارىنىڭ اۋماعىندا ورنالاسقان جالپى كولەمى 600 شارشى مەترلىك قويمانىڭ ىشىندە كولەمى 200 شارشى مەتر اۋماقتاعى اۆتوبولشەكتەر مەن اكسەسۋارلار جانعان.
ءورت ساعات 00:03-تە وقشاۋلانىپ، ساعات 01:23-تە تولىعىمەن ءسوندىرىلدى. زارداپ شەككەندەر مەن قايتىس بولعاندار جوق. ءورتتىڭ شىعۋ سەبەبى انىقتالىپ جاتىر.
وقيعا ورنىندا شىمكەن قالالىق تجد-نىڭ جەكە قۇرامىنداعى 35 ادامى مەن بەس تەحنيكا جۇمىس ىستەدى.
پىكىر قالدىرۋ