بەلارۋس پرەزيدەنتى الەكساندر لۋكاشەنكو رەسەي پرەزيدەنتى ۆلاديمير پۋتينمەن كەزدەسكەننەن كەيىن "ەكى ەل قوسىلۋى مۇمكىن" دەگەن اڭگىمەگە پىكىر ءبىلدىردى، دەپ جازادى بەلتا سايتى.
– ءبىز ەگەمەن جانە تاۋەلسىز ەلمىز. بۇگىندە الەم وزگەرگەنى سونشا، بەلارۋس رەسەي قۇرامىنا كىرۋى كەرەك نەمەسە رەسەي بەلارۋس قۇرامىنا كىرۋگە ءتيىس، نە بولماسا ورتاق باسقارۋ ورگانىن قۇرۋ ارقىلى ەكى ەل قالاي دا بىرىگۋى قاجەتتىگى تۋرالى اڭگىمە ءجۇرىپ جاتىر. بۇل باعىتتا جۇمىس ىستەۋدىڭ ءوزى اقىماقتىق بولار ەدى.
بىرىنشىدەن، بۇل مۇلدە كەرەك ەمەس. ويتكەنى ەگەمەن ەل رەتىندە ءبىز رەسەي فەدەراسياسىنىڭ جەكەلەگەن اۋماعىنداعى قارىم-قاتىناستان دا بەرىك قارىم-قاتىناس جۇيەسىن قۇرا الامىز، – دەگەن ول بەلارۋس پەن رەسەي ءتۇرلى باعىتتا تەڭ دارەجەدە دامىپ كەلە جاتقاندىقتان جۇيە قۇرا الاتىنىنا سەنىمدى ەكەنىن جەتكىزدى.
پىكىر قالدىرۋ