پرەزيدەنت قاسىم-جومارت توقايەۆ "ايەلدەردىڭ ەكونوميكالىق مۇمكىندىكتەرىن كەڭەيتۋ جونىندەگى شارالار مەن قۇرالدار" اتتى كونفەرەنسياعا قاتىسۋشىلارعا بەينەۇندەۋ جولدادى.
– ايەلدەردىڭ قوعامداعى ءرولىن كەڭەيتە ءتۇسۋ – مەملەكەتىمىزدىڭ الدىندا تۇرعان نەگىزگى مىندەتتىڭ ءبىرى. وسىعان وراي، ناقتى شارالار قولعا الىندى. ءقازىر باسشىلىق قىزمەتتەگى ايەلدەردىڭ قاتارى كوبەيىپ كەلەدى. پارلامەنتتە سىزدەر ءۇشىن ارنايى كۆوتا بەرىلدى.
سونداي-اق كاسىپكەرلىك باستامالارىڭىزدى قولداۋ ءۇشىن ءبىرقاتار جوبالار جۇزەگە اسىرىلدى. سونىڭ ارقاسىندا ەلىمىزدەگى شاعىن جانە ورتا بيزنەس سالاسىندا ەڭبەك ەتەتىن ايەلدەردىڭ ۇلەسى 43 پايىزدان استى. جەكە كاسىپكەرلەردىڭ تەڭ جارتىسىنان كوبى – وزدەرىڭىز سياقتى قىز-كەلىنشەكتەر. ءبىز ەلىمىزدىڭ دامۋىنا بەلسەنە اتسالىسىپ جۇرگەن وسىنداي ىسكەر ارۋلارىمىزعا جان-جاقتى قولداۋ كورسەتەمىز. تاياۋدا ايەلدەر كاسىپكەرلىگىن جانداندىرۋ ماقساتىمەن ەلىمىز بويىنشا 17 ورتالىق اشىلدى. وسى ورتالىقتار سىزدەردىڭ بيزنەستەگى جاڭا يدەيالارىڭىزدى ىسكە اسىرۋ ءۇشىن جۇمىس جۇرگىزەتىن بولادى. ونىڭ بارلىعى ايەلدەردىڭ ەل ەكونوميكاسىنداعى ءرولىن ارتتىرۋعا تىڭ سەرپىن بەرەدى دەپ سەنەمىن.
پىكىر قالدىرۋ