پرەزيدەنت قاسىم-جومارت توقايەۆ الماتى وبلىسىندا ماس جۇرگىزۋشى وقۋشىلاردى قاعىپ كەتكەن جول-كولىك وقيعاسىنا قاتىستى تەرگەۋ جۇمىستارىن ءوز باقىلاۋىنا الدى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي facebook پاراقشاسىندا حابارلادى.

– ەكى قىز اۋىر حالدە اۋرۋحانادا جاتىر. مەملەكەت باسشىسى كولىك جۇرگىزۋشىسىن زاڭعا سايكەس جاۋاپقا تارتۋ ءۇشىن اتالعان وقيعانى جان-جاقتى تەكسەرۋ جونىندە تاپسىرما بەردى. زارداپ شەككەن قىزدار مەن ولاردىڭ اتا-انالارىنا ءتيىستى كومەك كورسەتىلەدى، – دەپ جازدى بەرىك ءۋالي.

بۇعان دەيىن 2 ناۋرىزدا الماتى وبلىسىندا ماس جۇرگىزۋشى جول شەتىندە تۇرعان 8-9 جاسار ءتورت قىز بالانى قاعىپ كەتكەن. حابارلانعان.

جول-كولىك وقيعاسى سالدارىنان جاراقات العان ءۇش بالا شەلەك اۋداندىق اۋرۋحاناسىنا جاتقىزىلعان. ءتورتىنشى قىز دارىگەرلەردىڭ قاراۋىنان كەيىن ۇيىنە قايتارىلدى.

– قازىرگى ۋاقىتتا جۇرگىزۋشى ۋاقىتشا ۇستاۋ يزولياتورىندا. جول-كولىك وقيعاسىنا قىلمىستىق كودەكستىڭ 345-1-بابى 2-بولىگى "ابايسىزدا ادامنىڭ دەنساۋلىعىنا اۋىر زيان كەلتiرۋگە الىپ كەلگەن ىس-ارەكەت" بويىنشا سوتقا دەيىنگى تەرگەۋ جۇرگىزىلەدى. قاجەتتى ساراپتامالار تاعايىندالدى، – دەپ حابارلادى الماتى وبلىسى پد وكىلدەرى.

دارىگەرلەر ەكى قىز كومادا جاتقانىن ايتادى.