جوعارعى سوت سۋديالارى قىزمەتىنەن نە ءۇشىن بوساتىلعانى بەلگىلى بولدى

/image/2021/03/04/crop-37_-1_1051x1401_mycollages-47.jpg

ق ر جوعارعى سوتتىڭ سۋديالارى قىزمەتىنەن بوساتىلدى. بۇل تۋرالى  پارلامەنت سەناتىنىڭ جالپى وتىرىسىندا جوعارى سوت كەڭەسىنىڭ ءتوراعاسى تالعات دوناقوۆ حابارلادى.

– سىزدەردىڭ قاراۋىڭىزعا اناتوليي سەرگەيەۆيچ سموليندى جانە سەرىك قازبەك ۇلى ءابناسىروۆتى جوعارعى سوت سۋدياسىنىڭ قىزمەتىنەن بوساتۋ تۋرالى مەملەكەت باسشىسىنىڭ ۇسىنىمى ەنگىزىلىپ وتىر.

پرەزيدەنت جارلىعىمەن سمولين قوستاناي وبلىستىق سوتىنىڭ ءتوراعاسى قىزمەتىنە تاعايىندالدى. سونىمەن قاتار سۋديا ءابناسىروۆ زەينەتكەرلىك جاسقا تولۋىنا بايلانىستى وتستاۆكاعا شىعۋ تۋرالى ءوتىنىش بەردى، – دەدى تالعات دوناقوۆ.

پالاتا دەپۋتاتتارى وسى ۇسىنىسقا قولداۋ ءبىلدىرىپ، سۋديالاردى قىزمەتىنەن بوساتۋ تۋرالى شەشىم قابىلدادى.





قاتىستى تەگتەر :

پىكىر قالدىرۋ

قاتىستى ماقالالار