وسكەمەن قالاسىنداعى "ارمان" بالاباقشاسىندا تاربيەشى بالالارعا قول كوتەرگەنى ۆيدەوعا ءتۇسىپ قالعان. اتالعان دەرەك بويىنشا مەكتەپكە دەيىنگى ءبىلىم بەرۋ مەكەمەسىنىڭ باسشىسى مەن تاربيەشىسى ەڭبەك كودەكسىنىڭ 52-بابى بويىنشا جۇمىستان قۋىلىپ، سوتقا دەيىنگى تەرگەۋ باستالدى، دەپ جازادى Noks.kz سايتى.

تاربيەشىنىڭ بالالاردى سابايتىنى كەزدەيسوق انىقتالعان. بالالار بىرتىندەپ بالاباقشاعا بارۋدان باس تارتىپ، ىس-ارەكەتتەرى وزگەرگەنىن بايقاعان اتا-انالار ءبىر نارسەدەن كۇدىكتەنىپ، بەينەباقىلاۋ كامەراسىن قاراعان.

ۆيدەودان بالاباقشا قىزمەتكەرى بالانى جۇلقىلاپ، ەدەنگە قۇلاتقانى، جىلاعان بالا قاشۋعا ارەكەتتەنگەنى كورىنەدى.

مەكتەپكە دەيىنگى مەكەمەدە بولىپ جاتقان جاعدايعا جاعا ۇستاعان اتا-انالار ءتيىستى ورىندارعا شاعىمدانعان.

قازىرگى تاڭدا شاعىم بويىنشا قىلمىستىق كودەكستىڭ 140-بابى 2-تارماعىنا (كامەلەتكە تولماعان ادامدى تاربيەلەۋ ءجونiندەگi مiندەتتەردi ورىنداماۋ) سايكەس سوتقا دەيىنگى تەرگەۋ باستالدى.