يلون ماسكتىڭ SpaceX كومپانياسى "Starship" دەپ اتالاتىن ءۇشىنشى جۇلدىزكەمەسىن ۇشىردى جانە ءساتتى قوندىردى. دەگەنمەن قونعاننان سوڭ تاعى دا جارىلىس بولدى.
جۇلدىزكەمەنىڭ "SN10" دەپ اتالاتىن پروتوتيپى تەحاس شتاتىنداعى بوكا-چيكا ۇشىرۋ الاڭىندا سىنالدى. بۇرىنعى سىناقتاردا جارىلىپ كەتكەن ەكى جۇلدىزكەمەگە سالىستىرعاندا، "SN10" نۇسقاسى بيىككە كوتەرىلۋ جانە قونۋ بارىسىن ءساتتى ورىندادى.
دەگەنمەن جەرگە قونعاننان كەيىن ونىڭ اينالاسىندا ءورت پايدا بولدى جانە سەگىز مينۋتتان سوڭ "SN10" قونۋ الاڭىندا جارىلىپ كەتتى.
وسىعان قاراماستان، SpaceX كومپانياسى ءپروتوتيپتىڭ ۇشۋ كەزىندە مانيەۆرلەردى ءساتتى جۇزەگە اسىرىپ، اقىلعا قونىمدى جۇمساق قونۋعا قول جەتكىزگەنىن جاريالادى.
پىكىر قالدىرۋ