بريتانيالىق تانىمال Boxing News باسىلىمى 2016 جىلى ريو-دە-جانەيرودا وتكەن وليمپيادا ويىندارىنىڭ ۇزدىك ون جۇلدەگەرىنىڭ رەيتينگىن جاريالادى. وعان قازاقستاندىق دانيار ەلەۋسىنوۆ تە ەنگەن. بۇل تۋرالى sports.kz سايتى حابارلادى.
دانيار ريو-دە-جانەيرودا وتكەن وليمپيادا ويىندارىندا 69 كەلىگە دەيىنگى سالماق دارەجەسىندە التىن مەدال يەلەنگەن. Boxing News سايتىنىڭ ۇزدىك وندىعىندا بوكسشى التىنشى ورىنعا جايعاسقان.
"2016 جىلى ەلەۋسىنوۆ مىنبەردىڭ جوعارى جاعىندا ورىن الدى جانە كاسىپقوي بوكسقا اۋىسقان ساتتەن باستاپ جاقسى فورمادا ءجۇر. قازاقستاننىڭ سولاقاي بوكسشىسى ورتاشا سالماق دارەجەسىندە باتىل قادامدار جاساپ كەلەدى" دەلىنگەن جازبادا.
سونداي-اق تىزىمگە ەلەۋسىنوۆتىڭ ريو وليمپياداسىنداعى قارسىلاستارى وزبەكستان وكىلى شاحرام گياسوۆ جانە فرانسيا وكىلى سۇلەيمان سيسسوكو كىرگەن.
ۇزدىك وندىق ءتىزىمى تومەندەگىدەي:
1. كلارەسسا شيلدس (اقش)
2. مۋرودجون احمادالييەۆ (وزبەكستان)
3. دجو دجويس (ۇلىبريتانيا)
4. شاكۋر ستيۆەنسون (اقش)
5. توني يوكا (فرانسيا)
6. دانيار ەلەۋسىنوۆ (قازاقستان)
7. فيليپ حرگوۆيچ (حورۆاتيا)
8. دجوشۋا بۋاتسي (ۇلىبريتانيا)
9. شاحرام گياسوۆ (وزبەكستان)
10. سۇلەيمان سيسسوكو (فرانسيا).
پىكىر قالدىرۋ