بۇگىن الماتى ماڭىندا ۇشاق اپاتى بولدى. بۇل تۋرالى الماتى اۋەجايىنىڭ Facebook پاراقشاسىندا حابارلاندى.
"بۇگىن ساعات 17:20 شاماسىندا الماتى اۋەجايىنا قونۋعا بەت العان كەزدە نۇر-سۇلتان-الماتى باعىتى بويىنشا كەلە جاتقان ان-26 اۋە كەمەسىمەن بايلانىس ءۇزىلدى. بىردەن دابىل جاريالاندى، اۋەجايدىڭ اۆاريالىق-قۇتقارۋ قىزمەتكەرلەرى وقيعا ورنىنا شىقتى. الدىن الا اقپارات بويىنشا، بورت ۇشۋ-قونۋ جولاعىنىڭ سوڭىندا اپاتقا ۇشىراعان" دەلىنگەن حابارلامادا.
الماتى قالالىق قوعامدىق دەنساۋلىق ساقتاۋ باسقارماسى باسپا ءسوز قىزمەتىنىڭ حابارلاۋىنشا، اپاتتان ءتورت ادام قايتىس بولىپ، ەكى ادام جانساقتاۋ بولىمىندە جاتىر.
"زارداپ شەككەن ەكى ادام الماتى وبلىسى ىلە اۋداندىق اۋرۋحاناسىنا جەتكىزىلدى. ولاردىڭ جاعدايى تۋرالى ءالى ەشتەڭە بىلمەيمىز. الماتى اۋەجايىنا 10 جەدەل جاردەم بريگاداسى جىبەرىلدى. ءورت ءسوندىرىلدى" دەلىنگەن حابارلامادا.
پىكىر قالدىرۋ