ءساۋىر ايىندا ەگدە جاستاعى ادامدار اراسىندا ۆاكسينا سالدىراتىنداردىڭ سانى ارتادى. بۇل تۋرالى ۇكىمەت وتىرىسىندا پرەمەر-مينيستر اسقار مامين ايتتى.
– اقپان ايىنان باستاپ حالىقتى ۆاكسينالاۋ باستالدى. قازىرگى ۋاقىتتا 95 مىڭنان استام ادامعا ۆاكسينا سالىندى. ءبىرىنشى بولىپ مەديسينا قىزمەتكەرلەرى، سودان كەيىن پەداگوگتەر، كۇش قۇرىلىمدارىنىڭ قىزمەتكەرلەرىنە ۆاكسينا سالىندى. ۆاكسينا سالدىرعانداردىڭ جاعدايى جاقسى. ۆاكسينا قالىپتى اسەر ەتتى جانە تەرىس سالدارى بايقالعان جوق. ءساۋىر ايىندا ۆاكسينا الاتىنداردىڭ سانى، ونىڭ ىشىندە ەگدە جاستاعى ادامدار اراسىندا ايتارلىقتاي ارتادى، – دەدى پرەمەر-مينيستر.
پىكىر قالدىرۋ