2021 جىلعى 1 ناۋرىزداعى جاعداي بويىنشا قازاقستاندا رەسمي تۇردە 14086 شەتەلدىك جۇمىس ىستەيدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
ونىڭ ىشىندە 637 ادام باسشى جانە ولاردىڭ ورىنباسارى، 3 214 ادام قۇرىلىمدىق بولىمشەلەردىڭ باسشىسى، 7 236 ادام مامان، 590 ادام بىلىكتى جۇمىسشى بولىپ قىزمەت ەتەدى. 689 ادام ماۋسىمدىق قىزمەتتە، 1 720 ادام كورپوراتيۆتىك اۋىستىرۋ شەڭبەرىندە ەڭبەك ەتەدى.
ەڭبەك ميگراتتارى كەلگەن ەل بويىنشا كورسەتكىش تومەندەگىدەي.
3613 ادام ادام جۇڭگو ازاماتى، 1484ء-ى تۇركيا، 1106ء-ى ءۇندىستان، 1002 ادام ۆەنگريا ازاماتى، 654 جۇمىسشى وزبەكستاننان كەلگەن.
جىل سايىن ەلگە شەتەلدىك مامانداردى تارتۋعا ارنالعان كۆوتا بەلگىلەنەدى. 2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇراعان.
پىكىر قالدىرۋ