ەسكەرتكىش اۆتورى – ءمۇسىنشى نۇرلان دامباي. قارجىلىق شىعىندى كاسىپكەر نۇرلان سماعۇلوۆق كوتەرگەن.

ەسكەرتكىش جامبىل مەن ءۋاليحانوۆ كوشەلەرىنىڭ قيىلىسىنداعى اللەياعا قويىلدى.

گەرولد بەلگەر 1934 جىلى 28 قازاندا رەسەيدىڭ ساراتوۆ وبلىسى، ەنگەلس قالاسىندا تۋعان. 1941 جىلى ءستاليننىڭ جارلىعىمەن كسرو-داعى بارلىق نەمىستەرمەن بىرگە سقو-نىڭ ىسقاق ىبىرايەۆ اۋىلىنا جەر اۋدارىلدى. سولتۇستىك قازاقستان وبلىسى شالاقىن اۋىلىندا قازاق ورتا مەكتەبىندە وقىدى. نەمىس، ورىس، قازاق تىلدەرىندە جازعان. اباي اتىنداعى قازاق پەداگوگيكا ينستيتۋتىن بىتىرگەن (1958).

«اۋىل شەتىندەگى ءۇي» (1973)، «دالاداعى شاعالالار» (1976)، «التى اسۋ» (1977)، «تاس وتكەل» (1988، ورىس، قازاق، نەمىس تىلدەرىندە)، «باۋىرلاستىقتىڭ جاندى بەينەسى» (1981)، «سوزۆۋچيە» (1982)، «ۋاقىتپەن بەتپەبەت» (1985، نەمىس تىلىندە)، «موتيۆى ترەح سترۋن» (1986)، «گەتە ي اباي» (1989)، «رودستۆو» (1991)، «زەمنىە يزبراننيكي» (1995) اتتى زەرتتەۋ ەڭبەكتەرى شىققان.

ب.مايلين، ح.ەسەنجانوۆ، ءا.نۇرپەيىسوۆ، ءا.كەكىلبايەۆ، د.دوسجانوۆ، ت.ب. قازاق جازۋشىلارىنىڭ ءبىرقاتار شىعارمالارىن قازاقشادان ورىس تىلىنە، ا.رايمگەن، ە.كونچاك، ن.ۆاككەر، ت.ب. نەمىس جازۋشىلارىنىڭ جەكەلەگەن تۋىندىلارىن نەمىس تىلىنەن ورىسشاعا اۋداردى. جيىرماداي جيناقتىڭ قۇراستىرۋشىسى جانە جەكەلەگەن اڭگىمە، ماقالالارى ەنگەن 25-تەي جيناعى بار.