دەنساۋلىق ساقتاۋ ءمينيسترى الەكسەي سوي ناۋرىز مەيرامى قارساڭىندا قازاقستاندىقتارعا ەسكەرتۋ جاسادى. بۇل تۋرالى ول الەۋمەتتىك جەلىدەگى پاراقشاسىندا مالىمدەدى.
– دەمالىس جانە مەرەكە كۇندەرى قارساڭىندا كۆي-دىڭ تارالۋىنا جول بەرمەۋ ءۇشىن ءتيىستى ساقتىق شارالارىن مۇقيات ساقتاۋدى ەسكە سالامىز. كۆي-دىڭ الدىن الۋ جانە مۋتاسيانى ەمدەۋ شارالارى قولدانىستاعى تاسىلدەرگە ۇقساس. بۇل ماسكا رەجيمىن جانە الەۋمەتتىك اراقاشىقتىقتى ساقتاۋ، ادام كوپ جينالاتىن ورىندارعا بارماۋ، سونداي-اق حالىقتى جاپپاي ۆاكسيناسيالاۋ، – دەدى ول.
مينيستر دۇنيەجۇزىلىك دەنساۋلىق ساقتاۋ ۇيىمىمەن بىرلەسىپ Covid-19 شتاممدارىن انىقتايتىن ەكسپرەسس پتر-سكرينينگتىڭ جاڭا ادىستەمەسى ەنگىزىلگەنىن حابارلادى.
– 2021 جىلعى 17 ناۋرىزدا ۇلتتىق قوعامدىق دەنساۋلىق ساقتاۋ ورتالىعى فيليالىنىڭ رەفەرەنس-زەرتحاناسى الماتى قالاسى بويىنشا كۆي-مەن اۋىراتىن ناۋقاستاردان الىنعان زەرتحانالىق ۇلگىلەردى زەردەلەدى. زەرتتەۋ ناتيجەلەرى بويىنشا "بريتاندىق"، "وڭتۇستىك افريكا"، "برازيليالىق" شتامدارعا ۇقساس ىقتيمال مۋتاسيا انىقتالدى.
مۋتاسيانى جانە ونىڭ وسى شتاممداردىڭ بىرىنە جاتاتىنىن ناقتى راستاۋ تولىق گەنومدىق سەكۆەنيرلەۋ اياقتالعاننان كەيىن ءبىر اي ىشىندە ايقىندالاتىن بولادى، – دەپ اتاپ ءوتتى الەكسەي سوي.
پىكىر قالدىرۋ