قازاق ءجۋرناليسى ءدۇرالى دۇيسەباي قايتىس بولدى. بۇل تۋرالى جۋرناليست قۋات اۋەسباي facebook پاراقشاسىندا حابارلادى.
"بەلگىلى جۋرناليست ءدۇرالى دۇيسەباي اعامىز ومىردەن وزدى دەگەن قارالى حابار ەستىدىك... دۇراعامەن "حالىق ءسوزى" گازەتىندە بىرگە قىزمەتتەس بولدىق، اڭقىلداعان، اقكوڭىل، جان بالاسىنا قىلداي قياناتى جوق ازامات ەدى... قايران، ءدۇر-اعام-اي! تۋعان-تۋىس، دوستارىنا، ارىپتەس بارشاڭىزعا قايعىعا ورتاقتاسا كوڭىل ايتامىن! – دەپ جازدى قۋات اۋەسباي.
ءدۇرالى دۇيسەباي 1954 جىلى تۇلكىباس وڭىرىندە تۋعان. مەكتەپتى 1971 جىلى ءتامامداپ، قازمۋ-دىڭ جۋرناليستيكا فاكۋلتەتىنە وقۋعا تۇسكەن.
1981 جىلى "لەنينشىل جاس" گازەتىنە جۇمىسقا ورنالاسىپ، 16 جىل جۇمىس ىستەگەن.
1996 جىلى ق ر مەملەكەتتىك تەرگەۋ كوميتەتىنىڭ جاڭادان اشىلعان "قىلمىس پەن جازا" گازەتىندە باس رەداكتور قىزمەتىن اتقارعان.
كەيىننەن اسكەري قىزمەتتە بولىپ، زەينەتكە شىققان سوڭ "حالىق ءسوزى"، "Sport" گازەتتەرىندە جۇمىس ىستەگەن. ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە وقىتۋشى بولعان.
پىكىر قالدىرۋ