پرەمەر-مينيسترى اسقار مامين رف ۇكىمەتىنىڭ ءتوراعاسى ميحايل ميشۋستينمەن كەزدەستى، دەپ حابارلادى COVID-19-دى تاراتپاۋ بويىنشا ۆەدومستۆوارالىق كوميسسيانىڭ باسپا ءسوز قىزمەتى.
كەلىسسوزدەر بارىسىندا قازاقستانعا "سپۋتنيك V" كوروناۆيرۋسقا قارسى ۆاكسيناسىنىڭ قوسىمشا 4 ملن دوزاسىن جەتكىزۋ تۋرالى ۋاعدالاستىققا قول جەتكىزىلگەن.
– كەزدەسۋ بارىسىندا COVID-19 تارالۋىنا قارسى كۇرەس جانە ەكى ەلدىڭ ەكونوميكالارى ءۇشىن پاندەميانىڭ سالدارىن جويۋ بويىنشا بىرلەسكەن شارالارعا ەرەكشە نازار اۋدارىلدى. ۆيرۋستىڭ تارالۋىن جەڭۋ ءۇشىن ءبىزدىڭ ەلدەرىمىزدىڭ كۇش-جىگەرىن، ونىڭ ىشىندە حالىقتى جاپپاي ۆاكسيناسيالاۋ ماسەلەلەرىندە ۇيلەستىرۋدىڭ جوعارى دەڭگەيى قاجەت، – دەدى اسقار مامين.
