ۇلىبريتانيانىڭ قۇپيا ءولىمدى زەرتتەيتىن رەسمي وكىلى قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ جيەن نەمەرەسى ايسۇلتان نازاربايەۆتىڭ قازاسىنا ەسىرتكىگە تاۋەلدىلىك سەبەپ بولدى دەگەن قورىتىندى جاسادى، دەپ جازادى ازاتتىق راديوسى.
زەرتتەۋ ناتيجەسى 24 ناۋرىزدا جاريالاندى. ونىڭ ناتيجەسى بۇرىنعى پرەزيدەنتتىڭ نەمەرەسىنىڭ قازاسى توڭىرەگىندەگى ءتۇرلى كۇدىك-دۇدامالداردى سەيىلتەدى دەپ ايتىلادى. ايسۇلتان 2020 جىلى 16 تامىزدا لوندونداعى ساياباقتان ەسسىز كۇيدە تابىلعان ەدى. كەيىنىرەك ونىڭ قايتىس بولعانى جايلى حابار تارادى.
ايسۇلتان نازاربايەۆ جىلدار بويى ەسىرتكىگە تاۋەلدىلىكپەن كۇرەسكەن. ول سونىمەن بىرگە ءوزىنىڭ وتباسىن بىرنەشە رەت جەمقورلىق ءۇشىن ايىپتاعان. بۇل ونىڭ قازاسىنا بايلانىستى ءتۇرلى جورامالداردىڭ تۋىنداۋىنا سەبەپ بولعان ەدى.
ساراپتاما كەزىندە اعا كورونەر فيونا ۋيلكوكس وقيعانى ەسىرتكىمەن بايلانىستى دەپ سيپاتتاعان كۋاگەرلەر، پوليسيا قىزمەتكەرلەرى جانە پيسحياتردىڭ سوزدەرىمەن كەلىسكەن.
"ايسۇلتان تابيعي سەبەپپەن قايتىس بولدى دەپ سانايمىن؛ ول كوكاينعا تاۋەلدىلىكتىڭ ناتيجەسىندە قايتىس بولدى" دەدى ۋيلكوكس تىڭداۋ قورىتىندىسى كەزىندە.
پىكىر قالدىرۋ