تۇڭعىش پرەزيدەنت نۇرسۇلتان نازاربايەۆ شەيح حامدان بەن راشيد ءال ماكتۋمنىڭ قايتىس بولۋىنا بايلانىستى ءباا-نىڭ پرەزيدەنتى شەيح حاليفا بەن زايد ءال ناحايانعا جانە ءباا-نىڭ ۆيسە-پرەزيدەنتى، پرەمەر- ءمينيسترى، دۋباي بيلەۋشىسى شەيح مۇحاممەد بەن راشيد ءال ماكتۋمگە كوڭىل ايتۋ جەدەلحاتتارىن جولدادى. بۇل تۋرالى elbasy.kz سايتى حابارلادى.
"شەيح حامدان بەن راشيد ءال ماكتۋمنىڭ ومىردەن وزعانى تۋرالى سۋىت حاباردى كۇيزەلىسپەن قابىلدادىم.
وسى قارالى كۇندە قايعىلارىڭىزعا ورتاقتاسا وتىرىپ، سىزدەرگە جانە بارشا امىرلىكتەر حالقىنا كوڭىل ايتامىن.
شەيح حامدان ءوزىنىڭ سانالى عۇمىرىن حالقىنىڭ يگىلىگىنە، ءاربىر وتانداسىنىڭ مۇددەسىن قورعاۋعا ارنادى. ول بىرىككەن اراب امىرلىكتەرى قۇرىلعان ۋاقىتتان بەرى جاۋاپتى لاۋازىمداردى اتقارىپ، مەملەكەتتىڭ گۇلدەنۋىنە قوسقان ەلەۋلى ۇلەسى ارقىلى ەل تاريحىندا وشپەس ءىز قالدىرعان وتانىنىڭ كورنەكتى پەرزەنتى. سوندىقتان ونىڭ جارقىن بەينەسى امىرلىكتەر حالقىنىڭ جۇرەگىنەن وشپەس ورىن الاتىنىنا سەنىمدىمىن" دەلىنگەن جەدەلحاتتا.
پىكىر قالدىرۋ