Almaty TV تەلەارناسى قالادا مەرەكە كۇندەرى جۇمىسىن توقتاتپاعان تاعى ءبىر مەيرامحانا انىقتالعانىن حابارلادى. مونيتورينگتىك توپ پەن قالالىق شتابتىڭ ماماندارى بىرلەسىپ، كوڭىل كوتەرەتىن ورىننىڭ ىشىنە 3 ساعات كىرە الماعان. نىسانعا كىرگەننەن كەيىن ول جەردە كارانتين تالاپتارىن ساقتاماعان قوناقتار جۇرگەنى بەلگىلى بولدى. ولاردىڭ اراسىندا ەلگە تانىمال انشىلەر مەن ارتىستەر دە بار. 

اقپاراتقا سايكەس، قالاداعى ۇلكەن مەيرامحانالاردىڭ بىرىندەگى قىزمەتكەرلەر مونيتورينگتىك توپتىڭ كەلگەنىن كورسە دە، ەسىكتى اشپاعان. امالى قالماعان ماماندار ەلەكتريكتەردى شاقىرىپ، جارىق جۇيەسىن كەسىپ تاستاعان.

وقيعا مەدەۋ اۋدانىندا بولدى.  قالاداعى بارلىق تەكسەرۋشىلەر اياعىنان تىك تۇرىپ، ەسىكتى ۇزاق ۋاقىت اشپاعان مەيرامحانانى 3 ساعات قورشاۋدا ۇستاعان. ءبىر قاراعاندا مەيرامحانا جابىق سياقتى بولعانىمەن، تەرەزەلەرىن جارىق كورىنبەيتىن ەتىپ قاراڭعىلاعان.

كۇتپەگەن جەردەن ىشتەگى قوناقتاردىڭ ءبىرى ەسىكتى اشىپ قالعان. بارلىق كەلۋشى بۇرىش-بۇرىشقا تىعىلعانىمەن، ەشكىم قۇتىلا الماعان. ولاردىڭ اراسىندا تانىمال ءانشى قايرات نۇرتاس تا بار.  

ءانشىنى كولەڭكەلەۋگە تىرىسقان كۇزەتشىلەر تىلشىلەرگە دە تاپ بەرگەن. تەلەارنانىڭ وپەراتورىنا شابۋىل جاساپ، كامەرانى سىندىرۋعا تىرىسقان.

انىقتالعانداي، كاسىپكەرلىك نىساندا 200-دەن استام ادام بولعان. بارلىعى مەدەۋ اۋداندىق پوليسيا باسقارماسىنا جەتكىزىلىپ، اكىمشىلىك قۇقىق بۇزۋشىلىقتىڭ 425-بابى بويىنشا حاتتاما تولتىرىلدى. كەلۋشىلەر مەن مەكەمە قىزمەتكەرلەرىنە 87 مىڭ كولەمىندە، كاسىپكەرگە 670 مىڭ تەڭگە شاماسىندا ايىپپۇل سالىندى.