قازاقستاندىق اكتريسا سالتاناي قۇدايبەرگەنوۆاعا تاكسي جۇرگىزۋشىسى شابۋىل جاساعان، وقيعانى پوليسيا راستادى، دەپ جازادى zakon.kz سايتى.
سايت مالىمەتىنشە، يندرايۆەرمەن تاپسىرىس قابىلداعان تاكسي جۇرگىزۋشىسى اكتريسانى تەۋىپ ءتۇسىرىپ كەتكەن. وقيعا الماتىداعى ناۋرىزباي باتىر - شيەۆچەنكو كوشەلەرىنىڭ قيىلىسىندا بولعان.
الماتى قالاسى المالى اۋدانى پوليسيا باسقارماسىنىڭ باسشىسى ەسەن ىسقاقوۆ ءىس وندىرىسكە ەنگىزىلگەنىن، دەنە جاراقاتىنىڭ دارەجەسىن انىقتاۋ ءۇشىن جابىرلەنۋشىگە سوت-مەديسينالىق ساراپتاما تاعايىندالعانىن حابارلادى. سودان كەيىن بارىپ قانا زاڭناماعا سايكەس، ءتيىستى شارا قولدانىلادى.
قولدا بار دەرەككە ساي، جابىرلەنۋشى مەن تاكسي جۇرگىزۋشىسى جانجالداسىپ قالعان. جۇرگىزۋشىنىڭ ءتۇر-تۇلعاسى انىقتالدى. الداعى ۋاقىتتا ونىڭ ارەكەتىنە قۇقىقتىق باعا بەرىلەدى.
سالتاناي قۇدايبەرگەنوۆا "كەنجە"، "بيكەشتەر" سەكىلدى سەريالعا، "توميريس" كوركەم فيلمىنە تۇسكەن.
