اقتوبەدە سارسەنبى كۇنى جول اپاتىنان 4 ادام كوز جۇمدى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى حابارلادى.
وقيعا 24 ناۋرىزدا قاندىاعاش-ەمبى-شالقار اۆتوجولىندا بولعان. 40 جاستاعى LADA Priora جۇرگىزۋشىسى ەمبى قالاسىنان قاندىاعاش قالاسىنا قاراي كەلە جاتقان. قاندىاعاش-ەمبى-شالقار تاس جولىنىڭ 61ء-شى شاقىرىمىندا ول الدىنداعى كولىكتى باسىپ وزامىن دەپ، قارسى بەتتەگى باسقا LADA Priora-مەن سوقتىعىسقان.
سالدارىنان جۇرگىزۋشى مەن 32 جاستاعى ايەل، 14 جاستاعى بالا وقيعا ورنىندا كوز جۇمدى. 3 جاسار قىز ەمبى قالاسىنىڭ ورتالىق اۋرۋحاناسىنا جەتكىزىلدى.
باسقا كولىكتىڭ جۇرگىزۋشىسى مەن 6 جولاۋشىسى ەمبى قالاسىنىڭ ورتالىق اۋداندىق اۋرۋحاناسىنا جاتقىزىلدى، سولاردىڭ اراسىنداعى 51 جاستاعى جولاۋشى ەسىن جيماستان قايتىس بولدى.
اتالعان ءىس بويىنشا قىلمىستىق كودەكستىڭ 345-بابى 4-تارماعى بويىنشا سوتقا دەيىنگى تەرگەۋ جۇمىستارى جۇرگىزىلۋدە.
پوسموترەت ەتۋ پۋبليكاسيۋ ۆ Instagram
پىكىر قالدىرۋ