الماتىنىڭ باس سانيتار دارىگەرى جانداربەك بەكشين جاڭا قاۋلى شىعارىپ، كارانتين رەجيمىن 12 ساۋىرگە دەيىن سوزدى.
جاڭا قاۋلىعا ساي ساۋدا ويىن-ساۋىق ورتالىقتارى، ساۋدا ۇيلەرى، مۇراجاي، زووباق، اشىق جانە جابىق ازىق-تۇلىك ەمەس بازارلار، كىتاپحانا، كافەلەر مەن رەستوراندار جۇمىسىنا تىيىم سالىنادى.
جالپى ءبىلىم بەرۋ مەكتەپتەرى مەن ارناۋلى، جوعارى وقۋ ورىندارىندا ساباق قاشىقتان وقۋ فورماتىنا كوشەدى. بالا سانىن 15-تەن اسىرماعان جاعدايدا 1-5، 9 بەن 11-سىنىپتارداعى كەزەكشى توپتار جۇمىسىنا رۇحسات ەتىلەدى.
قوعامدىق كولىك جۇمىس كۇندەرى شتاتتىق رەجيمدە، دەمالىس كۇندەرى 6.00 مەن 10.00، 17.00 مەن 22.00 اراعىعىندا جۇرەدى.
ازىق-تۇلىك دۇكەندەرى مەن مينيماركەتتەر 06.00 مەن 24.00، سۋپەرماركەتتەر 06.00 مەن 02.00 ارالىعىندا ىستەيدى.
شاشتارازدار تەك شاش قىرقۋ قىزمەتىن ۇسىنادى. ءسان سالوندارىنىڭ جۇمىسى شەكتەلەدى.
فيتنەس ورتالىقتاردىڭ، قوعامدىق مونشالاردىڭ، كينوتەاترلار مەن تەاترلاردىڭ جۇمىسىنا، مەدەۋدە جاپپاي سىرعاناۋعا تىيىم سالىنادى.
حالىققا قىزمەت كورسەتۋ ورتالىقتارى مەن قازپوشتا 09.00 -18.00 ارالىعىندا ىستەيدى.
