حالىقارالىق بوكس قاۋىمداستىعى (AIBA) ديرەكتورلار باسقارماسىنىڭ داۋىس بەرۋ قورىتىندىسى بويىنشا ەكى قازاقستاندىقتى ءوزىنىڭ باسقارۋشى ورگاندارىنىڭ مۇشەسى ەتىپ تاعايىنداعان.
قازاقستان بوكس فەدەراسياسىنىڭ مەنەدجەرى مەيرام نۇرتازين جارىستاردى وتكىزۋ ماسەلەلەرى جونىندەگى كوميسسيانىڭ قۇرامىنا كىردى. سيدنەي وليمپياداسىنىڭ چەمپيونى، وليمپيادالىق دايارلاۋ ورتالىعىنىڭ ديرەكتورى ەرماحان يبرايموۆ چەمپيوندار مەن ارداگەرلەر ماسەلەلەرى جونىندەگى كوميسسيانىڭ مۇشەسى بولدى.
نۇرتازين مەن يبرايموۆ – 2018-2019 جىلعى ۇزىلىستەن كەيىن AIBA باسقارۋشى ورگاندارىنا تاعايىندالعان العاشقى قازاقستاندىقتار. 2014 جىلدان باستاپ 2017 جىلعا دەيىن كوميسسيالاردا 6 قازاقستاندىق جۇمىس ىستەگەن. 2019 جىلى ۇيىمداعى رەفورمالارعا بايلانىستى بارلىق كوميسسيالار تاراتىلىپ، ءقازىر جاڭادان تاعايىندالىپ جاتىر.
