كارانتيندىك شەكتەۋلەردى ەسكەرە وتىرىپ، مينيسترلىكتەر مەن ۆەدومستۆولاردىڭ باسشىلارى ازاماتتاردىڭ جەكە قابىلداۋلارىن ونلاين فورماتتا وتكىزەدى.

سونىمەن، 2 ساۋىردە ازاماتتاردى قابىلداۋدى سىرتقى ىستەر ءمينيسترىنىڭ ءبىرىنشى ورىنباسارى شاحرات نۋرىشيەۆ باستايدى. 7 ساۋىردە – ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى اكمادي سارباسوۆ، 8 ساۋىردە – باس پروكۋروردىڭ ورىنباسارى ەرلىك كەنەنبايەۆ، 9 ساۋىردە – اقپارات جانە قوعامدىق دامۋ ءمينيسترى ايدا بالايەۆا، 13 ساۋىردە – قارجى ءمينيسترى ەرۇلان جاماۋبايەۆ، 14 ساۋىردە – اۋىل شارۋاشىلىعى ءبىرىنشى ۆيسە-مينيسترى ايداربەك ساپاروۆ، 16 ساۋىردە – ادىلەت ۆيسە-مينيسترى ازامات امىرعالييەۆ، 21 ساۋىردە – ءبىلىم جانە عىلىم ۆيسە-مينيسترى شولپان كارينوۆا، 23 ساۋىردە – دەنساۋلىق ساقتاۋ ءمينيسترى الەكسەي سوي، 28 ساۋىردە – ىشكى ىستەر ءمينيسترىنىڭ ورىنباسارى ارىستانعاني زاپپاروۆ جانە 30 ساۋىردە – يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى قايىربەك وسكەنبايەۆ ازاماتتاردى قابىلدايدى.

كەزدەسۋگە جازىلۋ ءۇشىن:

1. Call-ورتالىق: 8 800 080 4441 (قازاقستان بويىنشا قوڭىراۋ شالۋ تەگىن)؛
2. WhatsApp: 8 700 800 4441؛
3. komek@nurotan.kz

ايتا كەتۋ كەرەك، وتكەن جىلى «Nur Otan» پارتياسىنا بۇكىل ەل بويىنشا 393،2 مىڭنان استام ءوتىنىش تۇسكەن.  سونىمەن قاتار، سوڭعى 5 جىل ىشىندە پارتياعا 1،2 ميلليون ادام جۇگىندى، ونىڭ ىشىندە 423 مىڭنان استامى - ونلاين فورماتتا.  ونىڭ 92% وڭ شەشىمىن تاپتى، اقىسىز كونسۋلتاسيالار، زاڭدىق جانە باسقا دا كومەك كورسەتىلدى.

تالداۋ كورسەتكەندەي، حالىقتى نەگىزىنەن الەۋمەتتىك قامسىزداندىرۋ – 30%، تكش – 16%، تۇرعىن ءۇي – 15%، ەڭبەك داۋلارى – 14%، قۇرىلىس – 9%، ءبىلىم بەرۋ – 9%، مەديسينالىق قىزمەت – 7% ماسەلەلەرى الاڭداتادى.

پارتيانىڭ باسپا ءسوز قىزمەتى حابارلاعانداي، «حالىققا كومەك» جوباسى اياسىندا رەسپۋبليكالىق قوعامدىق قابىلداۋ بولمەسىندە زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن اقىسىز كونسۋلتاتيۆتى ونلاين كەزدەسۋلەر ۇيىمداستىرىلدى. وعان تومەندە كورسەتىلگەن تەلەفون نومىرلەرى ارقىلى جازىلۋعا بولادى.

زاڭگەرلەر – دۇيسەنبى ساعات 10.00-دەن 13.00-گە دەيىن.

ادۆوكاتتار – سەيسەنبى جانە بەيسەنبى ساعات 10.00-دەن 13.00-گە دەيىن.

مەدياتورلار – سارسەنبى جانە جۇما كۇندەرى ساعات 10.00-دەن 13.00-گە دەيىن.

نوتاريۋستار – جۇما كۇنى ساعات 15.00-دەن 17.00-گە دەيىن.