قىزىلوردا قالاسىنىڭ اكىمى نۇرلىبەك ماشبەك ۇلى نالىبايەۆ قىزمەتىنەن كەتتى. ەندى ول پرەمەر-مينيستر كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى لاۋازىمىنا تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
"پرەمەر-مينيستردىڭ وكىمىمەن نۇرلىبەك ماشبەك ۇلى نالىبايەۆ پرەمەر-مينيستر كەڭسەسىنىڭ وڭىرلىك دامۋ ءبولىمىنىڭ مەڭگەرۋشىسى لاۋازىمىنا تاعايىندالادى" دەلىنگەن حابارلامادا.
نۇرلىبەك نالىبايەۆ 1976 جىلى قىزىلوردا وبلىسىندا تۋعان. قازاق مەملەكەتتىك اگرارلىق ۋنيۆەرسيتەتىن، قازاق گۋمانيتارلىق زاڭ ۋنيۆەرسيتەتىن بىتىرگەن. رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ 3 كۋرس دوكتورانتى.
ەڭبەك جولىن 1997–1998 جىلدارى ارالىعىندا "كازاحويل-كوممەرسيا" ج ش س مۇناي جانە مۇناي ءوندىرىسى ساراپشىسى بولىپ باستاعان.
2013-2021 جىلدارى قىزىلوردا وبلىسى، قىزىلوردا قالاسىنىڭ اكىمى بولعان.
پىكىر قالدىرۋ