اقتوبە وبلىسىندا 4 ساۋىردەن باستاپ كارانتين شارالارى كۇشەيتىلەدى. بۇل تۋرالى ءوڭىردىڭ باس سانيتار دارىگەرى حابارلادى.

قاۋلىعا سايكەس:

♦ حالىققا قىزمەت كورسەتۋ ورتالىقتارى، "قازپوشتا" اق بولىمشەسى دۇيسەنبى-سەنبى ارالىعىندا ساعات 09.00-دەن 18.00-گە ىستەيدى.

♦ ساۋنا جانە مونشالار دۇيسەنبى جانە سەنبى كۇندەرى ىشكى تارتىپكە سايكەس جۇمىس ىستەيدى.

♦ سۇلۋلىق سالوندارى، شاشتارازدار، سپا ورتالىقتارى جانە كوسمەتولوگيالىق قىزمەت كورسەتەتىن وبەكتىلەر الدىن الا جازىلۋ بويىنشا دۇيسەنبى جانە سەنبى كۇندەرى ىشكى تارتىپكە سايكەس جۇمىس ىستەيدى.

♦ جابىق سپورت وبەكتىلەرى (سپورت كەشەندەرى، سپورتمەكتەپتەرى، سپورتكلۋبتارى، جاتتىعۋ زالدارى)، فيتنەس ورتالىقتارى جانە سپورتتىق-ساۋىقتىرۋ ورتالىقتارى الدىن الا جازىلۋ بويىنشا جۇمىس ىستەيدى.

♦ باسسەيندەر  (1 كەلۋشىگە 5 ش. م. سۋ بەتى ەسەبىنەن، الدىن الا جازىلۋ ارقىلى) دۇيسەنبى-سەنبى ارالىعىندا ىستەيدى.

♦ ساۋدا ۇيلەرى (بالالار ويىن الاڭدارى مەن اتتراكسيوندارىنىڭ قىزمەتىنە تىيىم سالىنۋمەن) دۇيسەنبى مەن سەنبى ارالىعىندا جۇمىس ىستەيدى؛

♦ ازىق-تۇلىك ەمەس تاۋارلاردىڭ بارلىق تۇرلەرىن ساتۋ بويىنشا دۇكەندەر دۇيسەنبى-سەنبى ارالىعىندا ىستەيدى.