پرەزيدەنت قاسىم-جومارت توقايەۆ ءقاۋىپتى ىندەتتى جەڭىپ شىعۋ ءۇشىن ۆاكسينا ەگۋدەن باسقا جول جوعىن ايتتى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook پاراقشاسىندا جازدى.
پرەزيدەنت باسپا ءسوز حاتشىسىنىڭ ايتۋىنشا، توقايەۆ رەسەيدىڭ سىرتقى ىستەر ءمينيسترىن قابىلداۋ كەزىندە حالىقتى جاپپاي ۆاكسينالاۋدى جەدەلدەتۋ ءۇشىن بىرىنشىدەن، نارىققا ۆاكسينانى ءتيىستى مولشەردە جەتكىزۋ كەرەكتىگىن، ەكىنشىدەن، حالىققا ەكپە سالدىرۋدىڭ ماڭىزدىلىعىن ءتۇسىندىرۋ جۇمىستارىن جۇرگىزۋ قاجەتتىگىن ايتقان.
– ءقازىر جۇرتتىڭ كوپشىلىگى بۇل شارانىڭ ماڭىزدىلىعىن تولىق تۇسىنبەي جاتىر. ارينە، ءبىز ۆاكسينانى تەگىن سالامىز. سوندىقتان مەن ءوزىم دە ۆاكسينا ەگۋدەن باسقا جول جوق ەكەنىن ۇنەمى ايتىپ كەلەمىن، – دەدى توقايەۆ.
پىكىر قالدىرۋ