پرەزيدەنت قاسىم-جومارت توقايەۆ twitter پاراقشاسىندا عىلىم سالاسىنىڭ قىزمەتكەرلەرىن كاسىبي مەرەكەسىمەن قۇتتىقتادى.
– عىلىم سالاسىنىڭ قىزمەتكەرلەرىن بۇگىنگى كاسىبي مەرەكەسىمەن قۇتتىقتايمىن! وسى ايتۋلى داتانىڭ اسا كورنەكتى عالىم قانىش ساتبايەۆتىڭ تۋعان كۇنىمەن تۇسپا-تۇس كەلۋىنىڭ ءمانى زور.
پەرسپەكتيۆاسى بار عىلىمي زەرتتەۋلەردى قولداۋ، ۇلتىمىزدىڭ زياتكەرلىك الەۋەتىن ارتتىرۋ – ءسوزسىز شەشىمىن تابۋعا ءتيىستى ستراتەگيالىق مىندەت، – دەدى ول.
سونىمەن قاتار پرەزيدەنت قازاقستان عارىش تەحنولوگياسىن يگەرۋگە بەلسەندى اتسالىسا بەرەتىنىن جازدى.
– وسىدان 60 جىل بۇرىن ادامنىڭ عارىشتى يگەرۋ ءداۋىرى باستالدى. يۋريي گاگاريننىڭ بايقوڭىر عارىش ايلاعىنان ۇشۋى – الەمدىك عىلىم دامۋىنىڭ جارقىن كورىنىسى. قازاقستان حالىقارالىق باعدارلامالارعا، عارىش تەحنولوگياسىن يگەرۋگە بەلسەندى اتسالىسا بەرەدى، – دەپ جازدى پرەزيدەنت توقايەۆ.
پىكىر قالدىرۋ