سىبايلاس جەمقورلىققا قارسى ءىس-قيمىل اگەنتتىگىنىڭ ەرەكشە ماڭىزدى ىستەر جونىندەگى تەرگەۋشىسى دانيار بيعايداروۆ شىعىس قازاقستان وبلىستىق سۋديالارىنىڭ زاڭسىز ارەكەتتەرى تۋرالى حابارلادى.
– شىعىس قازاقستان وبلىسى بويىنشا دەپارتامەنت جوعارعى سوتقا جۇمىس ۋاقىتىندا سوت عيماراتىندا پارا الۋ جانە سپيرتتىك ىشىمدىكتەردى ءىشۋ فاكتىلەرى بويىنشا وبلىستىق ءتورت سۋدياعا، ونىڭ ىشىندە وسكەمەن قالاسىنىڭ №2 سوتىنىڭ ءتوراعاسىنا قاتىستى ۇسىنىس ەنگىزدى، – دەدى ول.
دانيار بيعايداروۆ تارتىپتىك كوميسسيانىڭ شەشىمىمەن وسكەمەن قالالىق №2 سوتىنىڭ ءتوراعاسى قاسىموۆ، سۋديالار ارعىمبەردى، قايرولدينا جانە گلۋبوكوە اۋداندىق سوتىنىڭ سۋدياسى ءامىروۆ قىزمەتىنەن بوساتىلعانىن ايتتى.
