وتكەن تاۋلىكتە كوروناۆيرۋس ينفەكسياسىن جۇقتىرعان 2641 جاعداي تىركەلدى. بۇل تۋرالى دەنساۋلىق ساقتاۋ مينيسترلىگى حابارلادى.
ۆەدومستۆو مالىمەتىنشە، ءبىر تاۋلىكتە كوروناۆيرۋستان 20 ادام قايتىس بولعان. 85 ادامنان پنيەۆمونيا تابىلىپ، 5 ادام كوز جۇمعان.
كۆي+، كۆي- شالدىققانداردىڭ اراسىندا 591 ادامنىڭ جاعدايى اۋىر، 172 پاسيەنتتىڭ جاعدايى وتە اۋىر. ال 127 ناۋقاس ءوجج اپپاراتىندا جاتىر.
بۇگىندە 36 436 ادام كورونوۆيرۋس ينفەكسياسىنان ەمدەلىپ جاتىر. ولاردىڭ ىشىندە 12 451 پاسيەنت ستاسيوناردا، 23 985 ناۋقاس امبۋلاتوريالىق دەڭگەيدە ەم قابىلداۋدا.
15 ساۋىردەگى مالىمەت بويىنشا، قازاقستاندا 505 451 ادام ۆاكسينا سالدىرعان.
پىكىر قالدىرۋ