COVID-19-دىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا شىمكەنت قالاسى كوروناۆيرۋستىڭ "قىزىل" ايماعىنا ەنگەنىن حابارلادى..

كوروناۆيرۋس ينفەكسياسى بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى مەن اتىراۋ، اقتوبە، اقمولا، الماتى، قاراعاندى، باتىس قازاقستان وبلىستارى "قىزىل" ايماقتا تۇر.

شىعىس قازاقستان، جامبىل، قىزىلوردا، پاۆلودار، سولتۇستىك قازاقستان، ماڭعىستاۋ وبلىستارى "سارى" ايماقتا.

"جاسىل" ايماقتا قوستاناي مەن تۇركىستان وبلىستارى.

ەلدە ءبىر تاۋلىكتە تاعى 2641 ادامنان كوروناۆيرۋس، 85 ادامنان پنيەۆمونيا انىقتالىپ، 20 ادام قايتىس بولعان. بۇگىندە 36 436 ادام كورونوۆيرۋس ينفەكسياسىنان ەمدەلىپ جاتىر. ولاردىڭ ىشىندە 12 451 پاسيەنت ستاسيوناردا، 23 985 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققانداردىڭ اراسىندا 591 ادامنىڭ جاعدايى اۋىر، 172 پاسيەنتتىڭ جاعدايى وتە اۋىر، 127 ناۋقاس ءوجج اپپاراتىندا جاتىر.