پرەزيدەنت قاسىم-جومارت توقايەۆ كورنەكتى تەاتر جانە كينو اكتريساسى عازيزا ابدىنابييەۆانىڭ وتباسى مەن جاقىن تۋىستارىنا كوڭىل ايتتى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
"عازيزا ماكەش قىزى ءار جىلدارى ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا جانە م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا قىزمەت جاسادى. ءبىرقاتار وتاندىق فيلمدەر مەن تەلەسەريالداردا باستى رولدەردى سومداپ، كورەرمەننىڭ جوعارى باعاسىن العان ەدى. ول ءاربىر قازاقستاندىقتىڭ جادىندا جارقىلداپ، جادىراپ جۇرەتىن بەينەسىمەن قالدى. مارقۇمنىڭ يمانى سالامات، جانى ءجانناتتا بولسىن" دەلىنگەن جەدەلحاتتا.
كەشە قازاقستاننىڭ ەڭبەك سىڭىرگەن ءارتىسى عازيزا ابدىنابييەۆا 73 جاسىنا قاراعان شاعىندا كوز جۇمعان.
