Ashyq قوسىمشاسىندا "قىزىل" ستاتۋسقا يە دەپ كورسەتىلگەن ازاماتتار، قوعامدىق ورىندارعا بارعانى ءۇشىن ايىپپۇل تولەيدى. بۇل تۋرالى ەلدىڭ سانيتارلىق-گيگيەنالىق باقىلاۋ جانە تاماقتانۋ، تاربيە مەن ءبىلىم بەرۋدى قاداعالاۋ ءبولىمىنىڭ باستىعى مارال راحىمجانوۆا حابارلادى.
مارال راحىمجانوۆا پتر ارقىلى وڭ ناتيجە كورسەتكەن ادام، سيمپتومسىز بولسا دا ينفەكسيانى تاراتۋى مۇمكىن ەكەنىن، سوندىقتان ونى اكىمشىلىك جاۋاپكەرشىلىككە تارتىلاتىنىن ايتتى.
– قولدانىستاعى زاڭنامادا اكىمشىلىك كودەكستە ايىپپۇل تۇرىندە جاۋاپكەرشىلىككە تارتۋ تۋرالى باپتار قاراستىرىلعان. ەگەر 425-باپ بويىنشا بولسا، وندا 25 اەك، ەگەر 431-باپ بويىنشا بولسا، وندا 5 اەك بار، – دەدى ءبولىم باسشىسى.
پىكىر قالدىرۋ