حالىقارالىق "الاش" ادەبي سىيلىعىنىڭ يەگەرى، اقىن جاركەن بودەش ۇلى ومىردەن ءوتتى.
جاركەن بودەش ۇلى 1944 جىلى 15 مامىردا قحر-دىڭ تارباعاتاي ايماعى تولى اۋدانىنداعى جايىر تاۋىندا دۇنيەگە كەلگەن. ازان شاقىرىپ قويعان اتى –جارمۇحاممەد.
ءقازمۋ-دىڭ جۋرناليستيكا فاكۋلتەتىن بىتىرگەن. مەرزىمدىك باسىلىمداردا جانە مەملەكەتتىك كىتاپ پالاتاسىندا جاۋاپتى قىزمەتتەر اتقارعان. دۇنيەجۇزى قازاقتارىنىڭ قاۋىمداستىعىندا ءبولىم مەڭگەرۋشىسى بولعان.
ءار الۋان باسىلىمداردا اقىننىڭ "اڭىراقاي بەكەتىندەگى وي"، "قاراۋىل توبە"، "گەنەرال جاھار دۋدايەۆ"، "وت پەن سۋ" ("سوروس– قازاقستان" قورىنىڭ جۇلدەسى بەرىلگەن)، "تاس بەسىك"، "بوستاندىقتىڭ باسى"، "شەر"، "جالعىز" اتتى داستاندارى جاريالانعان.
حالىقارالىق «الاش» ادەبي سىيلىعىنىڭ جانە تۇركى تىلدەر ەلدەرى پوەزياسى ءىى فەستيۆالىنىڭ لاۋرەاتى، ق.ساتبايەۆتىڭ 150 جىلدىق مەرەيتويىنا ارنالعان حالىقارالىق ءمۇشايرانىڭ باس جۇلدەگەرى اتانعان.
شىعارمالارى: كوكشە قۇراق. ولەڭدەر مەن پوەمالار. ا.، "جالىن"، 1979؛ قوس قانات. ولەڭدەر. ا.، "جازۋشى"، 1982؛ زەيىن. ولەڭدەر مەن پوەمالار. ا.، "جالىن"، 1984؛ اسپان داۋسى. ولەڭدەر مەن پوەمالار. ا.، "جازۋشى"، 1985؛ نۇرلى بوياۋلار. ولەڭدەر مەن پوەماپورترەتتەر. ا.، "جالىن"، 1988؛ جۇلدىزعا ورنىن اي بەرمەس. ولەڭدەر مەن پوەمالار. ا.، "ءسوزستان"، 1996؛ ەمەندەر تۇندە بۇرلەيدى. ا.، "انا ءتىلى"، 2001؛ ءبورىنىڭ اسىعى. ا.، "جازۋشى"، 2005؛ بۇرىلىس. ا.، "سوزدىكسلوۆار"، 2007.
