قازاقستاننىڭ دەنساۋلىق ساقتاۋ ءمينيسترى الەكسەي سوي سوت جۇمىس ىستەۋگە رۇحسات ەتكەن ۆەدومستۆونىڭ ەكس باسشىسى ەلجان ءبىرتانوۆتىڭ نەمەن اينالىسىپ جۇرگەنى تۋرالى ايتتى.

"سوت ەلجان ءبىرتانوۆقا ۇيدەن شىعىپ، جۇمىس ىستەۋگە رۇقسات ەتتى. ونى دەنساۋلىق ساقتاۋ مينيسترلىگىنە نەمەسە جەدەل جاردەمگە قابىلدايسىزدار ما؟" دەپ سۇراق قويدى "حابار 24" تەلەارناسىنىڭ ءتىلشىسى.

– قازىرگى تاڭدا ءبىز دە وسىنداي اقپارات الدىق. بىلۋىمىزشە، ول ءقازىر كوممەرسيالىق قۇرىلىمدا جۇمىس ىستەيدى، – دەدى مينيستر.

ەكس-مينيستر ەلجان ءبىرتانوۆ 2020 جىلعى 3 قاراشادا اسا ءىرى كولەمدە بيۋدجەت قارجىسىن ىسىراپ ەتۋ فاكتىسى بويىنشا كۇدىككە ءىلىنىپ، قاماۋعا الىنعان.

7 قاراشادا ءبىرتانوۆقا قاتىستى بۇلتارتپاۋ شاراسى وزگەرتىلىپ، ءۇي قاماققا الىنعان. مۇنان سوڭ ءۇي قاماققا الۋ شاراسى الدەنەشە رەت ۇزارتىلعان.

جۋىردا، 21 ساۋىردە ءبىرتانوۆقا قاتىستى ءۇي قاماققا الۋ تۇرىندەگى بۇلتارتپاۋ شاراسى 2021 جىلعى 14 مامىرعا دەيىن ۇزارتىلدى. الايدا سوت بۇل جولى وعان 8:00 مەن 19:00 ارالىعىندا ۇيىنەن شىعۋعا رۇحسات بەردى. سوت مۇنداي شەشىمدى ەكس-مينيستردىڭ بۇلتارتپاۋ شاراسىن بۇزباۋىمەن ءتۇسىندىرىپ، ەل يگىلىگى جولىندا جۇمىس ىستەۋىنە بولاتىنىن ءمالىم ەتتى.