سەنات ءتوراعاسى ماۋلەن اشىمبايەۆ كوروناۆيرۋستىڭ سيمپيومسىز تۇرىنە شالدىعىپ، جۇمىستى قاشىقتان ىستەۋگە كوشتى. بۇل تۋرال ول ءوزىنىڭ facebook-تەگى پاراقشاسىندا ءمالىم ەتتى.
"قۇرمەتتى دوستار! بارىنشا ساقتانىپ جۇرگەنىمە قاراماستان، سوڭعى سىناما ناتيجەسىندە كوروناۆيرۋس ىندەتىن جۇقتىرعانىم انىقتالىپ وتىر. ءبىراق بويىمدا اۋرۋدىڭ ەشقانداي بەلگىلەرى جوق. ايتسە دە وقشاۋلانىپ، مامانداردىڭ بارلىق تالاپتارىن قاتاڭ ساقتاۋدامىن. سوعان بايلانىستى جۇمىستى دا قاشىقتان جالعاستىرامىن. وكىنىشكە قاراي، پاندەميانىڭ ەكپىنى ءالى باسەڭدەگەن جوق. سوندىقتان ارقانى كەڭگە سالىپ، ساقتىق شارالارىنا بەيجاي قاراۋعا بولمايدى. بۇل، ەڭ الدىمەن، ءوزىمىز جانە تۋعان-تۋىستارىمىز ءۇشىن اسا ماڭىزدى. ەندەشە ىندەتتىڭ الدىن الۋعا باسا ءمان بەرەيىك. امان بولىڭىزدار" دەلىنگەن اشىمبايەۆ جازباسىندا.
پىكىر قالدىرۋ