دەنساۋلىق ساقتاۋ ءمينيسترى الەكسەي سوي وتاندىق ۆاكسينانى سالدىرعاننان كەيىن جاعدايى ءبىرقالىپتى ەكەنىن ايتتى. بۇل تۋرالى ول الەۋمەتتىك جەلىدەگى پاراقشاسىندا حابارلادى.
– ۆاكسينا سالدىرعاننان كەيىن ءبىر كۇن ءوتتى. ءوزىمدى جاقسى سەزىنەمىن. كەشە كەشكە ەكپە سالعان ورىن كىشكەنە اۋىردى. تاڭەرتەڭ ەشقانداي دا اۋىرسىنۋ بەلگىلەرى بولعان جوق، – دەدى مينيستر.
ەسكە سالا كەتەيىك، الەكسەي سوي 26 ساۋىردە نۇر-سۇلتان قالاسىنىڭ №9 ەمحاناسىندا كوروناۆيرۋسقا قارسى قازاقستاندىق QazCovid-in (QAZVAC) ۆاكسيناسىن سالدىردى.
