اقتوبە وبلىسىنداعى سامارا-شىمكەنت تاسجولىندا جول اپاتى بولىپ، ەكى ادام قازا تاپتى. بۇل تۋرالى اقتوبە وبلىسى پوليسيا دەپارتامەنتىنىڭ باسپا ءسوز قىزمەتى حابارلادى.
دەپارتامەنت مالىمەتىنشە، وقيعا 3 مامىردا بولعان. "سامارا-شىمكەنت" تاسجولىندا، "تۇلپار" كەمپينگ ماڭىندا "ۆاز-2105" كولىگى مەن "كاماز" جۇك كولىگى سوعىسقان.
اۆتوكولىك جۇرگىزۋشىسى قىزىلوردا وبلىسىنىڭ 33 جاستاعى تۇرعىنى، جۇك كولىگىنىڭ جۇرگىزۋشىسى 40 جاستاعى قىزىلوردا قالاسىنىڭ تۇرعىنى ەكەنى انىقتالدى. اپات سالدارىنان ۆاز اۆتوكولىگىنىڭ جۇرگىزۋشىسى مەن 29 جاستاعى جولاۋشىسى وقيعا ورنىندا كوز جۇمدى.
قازىرگى تاڭدا اتالعان وقيعا بويىنشا قىلمىستىق كودەكستىڭ 345-بابى 4ء-بولىمى ("ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋ") بويىنشا تەرگەۋ امالدارى جۇرگىزىلىپ جاتىر.
پىكىر قالدىرۋ