اقتوبە وبلىسىنىڭ باس سانيتار دارىگەرى ن.ا.بەركىمبايەۆا كارانتينگە بايلانىستى جاڭا قاۋلى جاريالادى. قاۋلى قول قويىلعان كۇننەن باستاپ كۇشىنە ەنەدى.
قاۋلىعا سايكەس:
- سىنىپتارداعى بالا سانىن 25 ادامنان اسىرماي، كونتينگەنتى 300 وقۋشىعا دەيىنگى قالالىق جانە اۋىلدىق مەكتەپتەر ءداستۇرلى فورماتتا وقىتىلادى؛
- جالپى ءبىلىم بەرەتىن مەكتەپتەردە سىنىپتاعى بالا سانىن 25 ادامنان اسىرماي ارالاس فورماتتا (پاندەردىڭ 70%-ىن شتاتتىق رەجيمدە، 30%-ىن قاشىقتىقتان) وقۋىنا رۇقسات ەتىلەدى؛
- ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا توپتاعى ادام سانىن 15-تەن اسىرماي جەكە وقىتۋعا رۇقسات بەرىلەدى؛
- ورتا جانە جوعارى وقۋ ورىندارىنىڭ I كۋرس ستۋدەنتتەرى شتاتتىق رەجيمدە وقىتىلادى؛
- مەكتەپتەردەگى جانە وقۋ ورىندارىنداعى اسحانا جۇمىسىنا تىيىم سالىنادى.
سونىمەن قاتار باس سانيتار دارىگەر رامازان ايىندا وتباسىنداعى اۋىزاشاردى قوسپاعاندا، ۇجىمدىق اۋىزاشاردى وتكىزۋگە تىيىم سالدى.
- ۇلتتىق قۇرامالار، كلۋبتىق كوماندالاردىڭ سپورتتىق جاتتىعۋلارىنا (30 ادامنان ارتىق ەمەس) رۇقسات بەرىلەدى؛
- سپورتشىلار مەن جاتتىقتىرۋشىلار قۇرامى COVID-19-عا قارسى ۆاكسيناسيالاۋدىڭ تولىق كۋرسىن العانى تۋرالى قۇجاتتامالىق راستاۋ ۇسىنعان جاعدايدا وبلىستىق كوماندالاردى دايىنداۋ ءۇشىن وقۋ-جاتتىعۋ جيىندارىن قايتا باستاۋعا بولادى؛
- كۇشەيتىلگەن سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق شارالاردى ساقتاي وتىرىپ كوشەدەگى ازىق-تۇلىك ساۋداسىنىڭ رۇقسات ەتىلگەن تۇرلەرىنىڭ جۇمىسىنا (ونىڭ ىشىندە تەز دايىندالاتىن تاماق ونىمدەرىن، بالمۇزداقتاردى، الىپ شىعۋعا ارنالعان كوفەحانانى، كوكونىس شاتىرلارىن جانە ت.ب. ساتاتىن وبەكتىلەردىڭ) جۇمىسىنا رۇقسات بەرىلەدى؛
- قوعامدىق ورىنداردا، حالىقتىڭ كەلۋىنە، قىزمەت كورسەتۋىنە جانە دەمالۋىنا ارنالعان ءۇي-جايلاردا، قوعامدىق كولىكتە (ونىڭ ىشىندە تاكسيدە)، قوعامدىق ورىندارىنداعى اشىق اۋادا بولعان كەزدە بارلىق ادامدارعا مەديسينالىق نەمەسە ماتا ماسكا مىندەتتى تۇردە تاعۋ مىندەتتەلەدى؛
- قوعامدىق كولىككە، تاكسيگە، اۋەجايعا، تەمىرجول ۆوكزالدارى مەن اۆتوۆوكزالدارعا، ازىق-تۇلىك جانە ازىق-تۇلىك ەمەس بازارلارعا، ايالداما پاۆيلوندارىنا، ۇيلەردەگى كىرەبەرىستەر مەن ليفتىلەرگە، اۋلاداعى بالالار الاڭدارىنا جانە باسقا دا قوعامدىق ورىندارعا سانيتاريالىق جانە دەزينفەكسيالىق وڭدەۋ جۇمىستارىن جۇرگىزۋ كۇشەيتىلەدى.
پىكىر قالدىرۋ