الماتى قالاسى اكىمدىگىندە ءبىرقاتار كادرلىق وزگەرىستەر بولدى.
مادەنيەت جانە سپورت مينيسترلىگىنە ۆيسە-مينيستر قىزمەتىنە اۋىسقان ەرلان قوجاعاپانوۆتىڭ ورنىنا سەرىك قۇسايىنوۆ تاعايىندالدى. ال قۇساينوۆتىڭ بۇرىنعى قىزمەتى المالى اۋدانىنىڭ باسشىلىعىنا ەرجان سەيتەنوۆ كەلدى.
سەرىك دوسىمحان ۇلى قۇسايىنوۆ 1964 جىلى الماتى وبلىسىندا تۋعان. قازاق اۋىل شارۋاشىلىعى ينستيتۋتى، رەسەي فەدەراسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن ءتامامداعان.
ءار جىلدارى الماتى قالاسىنىڭ كوممۋنالدىق شارۋاشىلىق كاسىپورىندارىندا شەبەر، باس ينجەنەر، باسقارۋشى ديرەكتور سەكىلدى قىزمەتتەر اتقارعان. سوڭعى قىزمەتىندە المالى اۋدانىنىڭ اكىمى بولدى.
المالى اۋدانىنا اكىم بولىپ تاعايىندالعان ەرجان سەيتەنوۆ 1974 جىلى دۇنيەگە كەلگەن. ول ح. ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىندە باكالاۆريات ءبىتىرىپ، ماگيستر دارەجەسىن العان.
ەڭبەك جولىن 1990 جىلى جاڭاقورعانداعى جامبىل مەديسينالىق كوللەدجدە جۇمىسشى بولىپ باستاعان. الماتى قالاسىنىڭ جەردى پايدالانۋ مەن قورعاۋ، جاسىل ەكونوميكا، تۇرعىن ءۇي ساياساتى باسقارمالارىنىڭ باسشىسى بولعان.
پىكىر قالدىرۋ