Instagram جەلىسىندە 8،1 ميلليون وقىرمانى بار رەسەيدىك بلوگەر نادين سەروۆسكي شىن ەسىمى - نادەجدا سەروۆا) قازانداعى قايعىلى جاعدايعا بايلانىستى شاتاسىپ قازاقستان ازاماتتارىنا كوڭىل ايتقان. ول رەسپۋبليكا اتاۋىن شاتاستىرىپ، كوڭىل ايتۋ سوزدەرىن تاتارستانعا ەمەس، قازاقستانعا ارناعان.
ۇزاماي بلوگەر جىبەرگەن قاتەسى ءۇشىن كەشىرىم سۇراپ، ونى تۇزەتىپ قويدى.
كەشە رەسەي فەداراسياسى تاتارستان اۆتونوميالىق رەسپۋبليكاسىنىڭ استاناسى قازاندا قارۋلانعان ەر ادام مەكتەپكە شابۋىل جاساپ، سالدارىنان 9 ادام قازا تاپقان. ونىڭ 2-ەۋى ءمۇعالىم، 7-ەۋى وقۋشى. 18 ادام زارداپ شەككەن. پوليسيا مەكتەپكە وق اتقان 19 جاستاعى يلناز گالياۆييەۆ ەسىمدى ادامدى ۇستاپ، ول بۇرىن وسى مەكتەپتە وقىعانى بەلگىلى بولدى. قازىرگى تاڭدا كۇدىكتىنىڭ مەكتەپكە شابۋىلداۋداعى ماقساتى انىقتالىپ جاتىر.
