شىعىس قازاقستان وبلىسىنىڭ زايسان اۋدانىندا مال جاپپاي قىرىلىپ جاتىر، دەپ جازادى sputnik.kz سايتى.
وبلىستىق ۆەتەريناريا باسقارماسى مالدىڭ قىرىلۋىنا گيپوتەرميا سەبەپ بولعانىن ايتقان.
وبلىستىق ۆەتەريناريا باسقارماسى باسشىسىنىڭ ورىنباسارى ەرتاي باتحولدين جالپى شىلىكتى اۋىلدىق وكرۋگىندە 100-گە جۋىق ءىرى قارا مەن 110 باس قوي-ەشكى اۋىرعانىن ايتقان.
جەرگىلىكتى ماماندار جاپپاي قىرىلۋعا قىس مەزگىلىنەن كەيىن مالدىڭ يممۋنيتەتى السىرەپ، كۇش-قۋاتى سارقىلۋى، 25-28 ءساۋىر ارالىعىندا وڭىردە اۋا تەمپەراتۋراسى تومەندەپ، جاۋىن-شاشىن بولۋى سەبەپ دەگەن پىكىردە.
– سونىڭ سالدارىنان السىرەگەن جانۋارلاردا گيپوتەرميا پايدا بولىپ، جاس جانۋارلاردىڭ جاپپاي قىرىلۋىنا اكەپ سوقتىرعان. قازىرگى كەزدە ولەكسەلەردەن پاتولوگيالىق سىنامالار الىنىپ، وبلىستىق زەرتحاناعا تاپسىرىلدى، – دەيدى ەرتاي باتحولدين.
پىكىر قالدىرۋ