ىشكى ىستەر ءمينيسترى تۇرعىمبايەۆ مالىمدەمە جاسادى

/image/2021/05/17/crop-329_15_697x929_2019100111384442264_2019100110044398453_turgumbaevpress.jpg

ىشكى ىستەر مينيسترلىگى نۇر-سۇلتان قالاسى بويىنشا قاجد لاۋازىمدى تۇلعالارىنا، سونداي-اق قوستاناي جانە جامبىل وبلىستارى پوليسيا دەپارتامەنتتەرىنىڭ تەرگەۋ بولىمشەلەرىنىڭ ورتا بۋىن باسشىلارىنا قاتىستى سوتقا دەيىنگى تەرگەۋلەر جۇرگىزىلىپ جاتقانىن حابارلادى

مينيسترلىكتىڭ مالىمەتىنشە، اتالعان فاكتىلەر بويىنشا تولىق اقپاراتتى قازىرگى ۋاقىتتا تەرگەۋ اياسىندا جاريالاۋعا بولمايدى.

سونىمەن قاتار، ءىىم جۇرگىزىلىپ جاتقان رەفورمالارعا سايكەس ءوز قاتارىنداعى زاڭدىلىقتى ساقتاۋ، بۇزۋشىلىقتاردى جويۋ جانە مەملەكەتتىك قىزمەتكە كىر كەلتىرەتىن كەز كەلگەن ءىس-قيمىلدىڭ جولىن كەسۋ جونىندەگى جۇيەلى شارالاردى ىسكە اسىرۋدى جالعاستىرىپ جاتقانىن اتاپ ءوتۋ قاجەت.

– ەل باسشىلىعى ءىىم الدىنا پوليسيا قاتارىندا سىبايلاس جەمقورلىقتى جويىپ، ءتارتىپ ورناتۋ تۋرالى مىندەت قويعاندا، ونىڭ ورىندالۋىنا ەشكىم سەنە قويمادى. ءبىراق بۇگىن جۇمىس ناتيجەلەرى باسقا سيفر كورسەتىپ تۇر: پاراقورلىق فاكتىلەرى ەكى ەسەگە، جەمقورلىق قىلمىسى ۇشتەن بىرگە ازايدى. بۇل تەك بىلتىرعىمەن سالىستىرعاندا وسى جىلدىڭ ءتورت ايىنىڭ قورىتىندىسى عانا، – دەدى ىشكى ىستەر ءمينيسترى ەرلان تۇرعىمبايەۆ.

ۆەدومستۆو باسشىسىنىڭ تاپسىرماسى بويىنشا قىزمەتكەرلەردىڭ سىبايلاس جەمقورلىققا قارسى يممۋنيتەتىن ارتتىرۋعا، وسىنداي قۇقىق بۇزۋشىلىقتاردىڭ الدىن الۋعا جانە جول بەرمەۋگە باسا نازار اۋدارىلادى.

پىكىر قالدىرۋ

قاتىستى ماقالالار