ۆيسە-مينيستر ۆاكسينا سالدىرعاننان كەيىنگى ءولىم دەرەكتەرىنە تۇسىنىك بەردى

/image/2021/05/19/crop-15_4_674x899_crop-206_4_697x929_maxresdefault.jpg

دەنساۋلىق ساقتاۋ ۆيسە-مينيسترى اجار عينيات ۆاكسينا سالدىرعاننان كەيىنگى ءولىم جاعدايلارىنا بايلانىستى پىكىر ءبىلدىردى.

– بارلىق جاعدايلار دەنساۋلىق ساقتاۋ مينيسترلىگىنىڭ باقىلاۋىندا. قايتىس بولعان العاشقى ادام الماتى وبلىسىنداعى ءبىزدىڭ ارىپتەسىمىز، قالالىق پەرزەنتحانادا جۇمىس ىستەگەن. كوميسسيا جۇمىستى اياقتادى. مارقۇمدا جۇرەكتىڭ سوزىلمالى اۋرۋى بولعانى انىقتالدى. ديسپانسەردە تىركەلگەن ەكەن. دارىگەرگە قارالماعان جانە اۋىر پرەپاراتتار قابىلداماعان. كوميسسيانىڭ قورىتىندى ناتيجەسىندەگى مەديسينالىق ساراپتاما بويىنشا ۆيرۋس نەمەسە ورگاندىق ۆيرۋس تابىلمادى. ولىمگە جۇرەكتىڭ سوزىلمالى پاتولوگياسى سەبەپ بولعان. وعان ۆاكسينانىڭ قاتىسى جوق، – دەدى ول ورتالىق كوممۋنيكاسيالار قىزمەتىندە وتكەن بريفينگ بارىسىندا.

اجار عيناياتتىڭ سوزىنشە، قايتىس بولعان ەكىنشى، الماتىلىق ازامات دارىگەردىڭ جەكە قارالۋىندا بولماعان، ديسپانسەردە دە تىركەلمەگەن. ول ناۋقاستا ارتەريالىق قىسىم مەن جۇرەك اۋرۋى بولعان. بۇل ماسەلە بويىنشا سوت-مەديسينالىق ساراپتاما اياقتالماعان.

– ءۇشىنشى جاعداي (ۆاكسينا سالدىرعاننان كەيىن قايتىس بولعان جاعداي - رەد.) اقتوبە وبلىسىندا تىركەلدى. كوميسسيانىڭ ناتيجەسى بويىنشا ناۋقاستا سوزىلمالى اۋرۋ بولعان. ول ەشەميالىق ينسۋلتكە الىپ كەلۋى مۇمكىن. ونىڭ ۆاكسيناسياعا قاتىسى جوق.

ءتورتىنشى جاعداي ەكىنشى كومپونەنتتىڭ 12ء-شى كۇنىندە تىركەلگەن. ول بويىنشا ءالى كوميسسيا جۇمىس ىستەپ جاتىر، – دەپ اتاپ ءوتتى ول.

ۆيسە-مينيستر ۆاكسينا سالدىرعاننان كەيىنگى ءولىم دەرەكتەرىنە تۇسىنىك بەردى

قاتىستى تەگتەر :

پىكىر قالدىرۋ

قاتىستى ماقالالار