اكتەر فارحات ابدىرايىموۆپەن قوشتاسۋ ءراسىمى تەك وتباسىنىڭ قاتىسۋىمەن وتەدى. بۇل تۋرالى "قازاقفيلم" كينوستۋدياسىنىڭ باسپا ءسوز قىزمەتى حابارلادى.
"گرۋزيادا قايتىس بولعان اكتەر فارحات ءابدىرايىموۆتىڭ دەنەسى بۇگىن تاڭەرتەڭ ارنايى رەيسپەن الماتىعا جەتكىزىلدى. مارقۇم تۋىسقاندارىنىڭ مالىمدەۋىنشە، اكتەرمەن قوشتاسۋ ءراسىمى ەرتەڭ، مامىردىڭ 23-ىندە الماتىدا وتەدى" دەلىنگەن حابارلامادا.
پاندەمياعا بايلانىستى جەرلەۋ ءراسىمى تەك فارحات ءابدىرايىموۆتىڭ تۋعان-تۋىستارى مەن جاقىندارىنىڭ قاتىسۋمەن وتەدى. مارقۇمنىڭ وتباسى اكتەر شىعارماشىلىعىنىڭ جانكۇيەرلەرى مەن ب ا ق وكىلدەرىنەن وسى شەشىمگە تۇسىنىستىكپەن قاراۋدى سۇرادى.
فارحات ءابدىرايىموۆتى ش.ايمانوۆ اتىنداعى "قازاقفيلم" كينوستۋدياسىنىڭ كىرەبەرىسىندەگى ارنايى جابدىقتالعان جەرگە گۇل شوقتارىن قويۋ ارقىلى ەسكە الۋعا بولادى.
پىكىر قالدىرۋ